Tanya O'Connor blog: Me Time Pecan Nut Pie Time

Deur Tanya O'Connor, SARIE Augustus 2010

Tanya O'Connor blog: Me Time Pecan Nut Pie Time Galery

"Adel, kan ek my favourite tafeltjie kry, vir so tien uur?


Ek bespreek altyd 'n spesifieke tafel wanneer ek by Die Pastorie gaan kuier. Die een naby die koi-dam. Ek kan vir ure na die pêrel-oranje lywe kyk wat rustig swem en wanneer jy nader gaan, kom al die wagtende bekke na bo om te vra vir 'n stukkie brood.  
 
Ek kan langs die dam gaan sit en net luister na die bewegende water, die versoeking om saam met die koi's te swem het my al vele kere oorval.
 
Die Pastorie se hek kraak oop, ek voel ek betree 'n plek van rus en vrede, hier kom ek altyd afsaal, hier kom sit ek myself neer op 'n stoel met my Appeltjie. Hier vloei die woorde.  
 
Die Pastorie is 'n teetuin in Groot Brak Rivier. 'n Stukkie wegbreek met lekker kos en omgee-mense. 'n Tuin vol verrassings, 'n tuin waar kinders kan speel en kan lag. 'n Plek waar grootmense net kan wees en waar koppies cappuccino bodemloos raak.
 
Daar is tot 'n houthut met die naam Me Time. Daar kan jy net wees, niemand pla jou nie, jy kan diep wegsak in 'n bank, jou voete onder jou opkrul en net na niks kyk met 'n koppie iets lekkers in jou hand.  
 
My gunsteling-tafel is naby vet geel vinkies wat nessies bou. Jy wil die heeltyd kyk na hul vordering, hulle maak seker 'n geraas, maar vir my is dit 'n heerlike geraas.
 
'n Hoenderhen kom skrop by jou voete, haar kuikentjies piepend al agterna. Jy kyk grond se kant toe, hier en daar 'n gaatjie waar nou-nou 'n plantjie ingedruk gaan word. Marietjie is aan die plant. Haar hande vol swart grond, so ook haar knieë. Sy is die ma-hen hier.

"Kom sit eers bietjie," nooi ek. Sy is moeg gewerk. Sy vertel van hoe sy dit geniet om in die grond te krap, en jy sien haar hande werk rondom jou raak. Jy sien die liefde wat sy het vir hierdie stukkie lekker waarvoor ek altyd 'n verskoning soek om myself deel van te maak.
 
Jy verwag enige oomblik dat 'n feetjie agter 'n blom gaan uitloer of selfs op jou skoot gaan spring. Die pastorie herinner my aan kleintyd se kinderpartytjies, toe my ouma altyd 'n rottangstoel opgemaak het met rose en ek daarop kon sit.
 
Adel die sjef kom sit 'n bordjie Pecan Nut Pie voor my neer, ek het eers onlangs hierdie kraaksoetigheid ontdek. My uitgewer het my daaraan voorgestel en nou is dit al wat ek eet.  Ek neem 'n foto op my selfoon en stuur dit vir hom. Wens hy en sy vrou was nou hier om saam met my die oomblik te geniet.  
 
Ek besef hoe belangrik dit is om "me-time" te maak. Ek besef hoe nodig dit is om somtyds net te wees. Om niks te doen en aan niks te dink nie, om net voor jou uit te kyk na niks. Om net die oomblik te geniet en nie te wonder hoe jy dit of dat gaan doen nie.
 
Jy het nie Die Pastorie nodig om so 'n tyd te maak nie, jy het net jouself nodig om omgee-tyd vir jouself te gee. Ek het altyd iets in my kop gehad, daar was altyd iets om oor te dink, uit te sorteer te laat gebeur. Ek het eers onlangs besef hoe belangrik Tanya-tyd is.  
 
Omgee-tyd kom nou al hoe makliker, ek kan op ons dek gaan staan en net uitkyk oor die see, ek wonder nie eens meer wat swem in die see nie, ek geniet net die oomblik.  
 
Ek kan 'n koppie Milo maak, en net in die lekker soetigheid inkyk, dink hoe dit op my tong gaan proe, ek kan in die oomblik bly solank as ek wil.
 
My batterye is dadelik herlaai ná so 'n omgee-tyd-sessie. Ek kyk anders na uitdagings, maar die belangrikste: Ek kyk na myself.
 
Waar is jou omgee-plekkie?

Verwante artikels

Kommentaar

  • AccomoTus het gesê:

    uDkiBi http://louisvuittonoutletstore.miheaven.com/

    19de Mei. 2012, 07:29

  • Writtyvoivy het gesê:

    Le aseguro. [url=http://www.burberryoutletfactorysale.com/]burberry outlet[/url]

    31ste Mar. 2012, 15:53

  • taplelfbype het gesê:

    rE4 gucci belt hE2 http://www.conchustimes.org/gucci-belt-bag-c-3.html

    3de Mar. 2012, 13:42

  • Soissorce het gesê:

    That is an awfully astounding column you've posted.Thanks a lot for that a fantastically amazing post!

    1ste Mar. 2012, 14:40

  • volawelafuels het gesê:

    nsydavtel cheap ugg boots sale juxnknxwi http://www.ansoniadems.org

    6de Des. 2011, 14:20

  • Charlene het gesê:

    ...vanoggend vat jy my op ver paaie, paaie wat nooit ophou nie want om elke draai wag daar 'n nuwe ontdekking, 'n nuwe verrassing...soos hierdie pecan nut-pad wat ek vanoggend ontdek...ek bak sommer!♥

    11de Aug. 2010, 11:40

  • MARLENE OLIVIER het gesê:

    Dankie Tanya vir die mooi artikel....dankie vir die omgee-tyd wat jy gee....dankie dat ek ook weer kan besef dat Marlene-tyd baie belangrik is om weer nuut te voel en weer te kan groei.Dit is heerlik om weg te raak tussen jou woorde en ook te kan stilraak voor die Pecan Nut Pie en die Pastorie se rustigheid.Blessing vir jou~Nelspruit groete MARLENE OLIVIER!

    11de Aug. 2010, 11:36