Lynne Hanna FOTO: Verskaf deur Clarins

Lynne Hanna FOTO: Verskaf deur Clarins

Het jy gehoor?

Clarins se Lynne bereik Everest-piek

SARIE.com het die afgelope paar weke met groot opgewondenheid die berg Everest dopgehou. In Mei-maand het die eerste groep buitelanders weer die bekende bergpiek aangepak ná 2 jaar van ongelukke waarin talle stappers en hul gidse dood is.

Patricia Lewis: “Ek sal nooit Everest klim nie.”

Onder die buitelanders was Lynne Hanna, hoof- uitvoerende beampte van die skoonheidshuis Clarins in die streek Afrika suid van die Sahara, en haar man, Noel, wat die piek Saterdagoggend omstreeks 07:00 bereik het, te midde van die slegte nuus dat vier mense tydens dié uitmergelende ekspedisie dood is. Een van hulle was ’n Suid-Afrikaans gebore Australiër, dr. Marisa Strydom.

Lynne en Noel het al voorheen die kruin vanaf die suidekant van die berg (in Nepal) bereik. Dié keer het hulle die piek vanaf die noordekant (in Tibet) bereik. Met dié prestasie is Lynne nou die eerste Britse vrou (Lynne is van Ierland) wat Everest se hoogste punt van albei kante kon bereik. En sy en Noel is die eerste getroude paartjie in die wêreld wat dit kon regkry.

Noel het gister ’n inskrywing op Facebook geplaas om al hul ondersteuners te bedank. “Net ’n vinnige boodskap om te sê ek en Lynne is veilig terug by die basiskamp. Ons het twee groot doelwitte bereik – om saam bo [op die berg] te staan en om die as van ons hond, Babu op die piek te strooi.”

Lynne en Noel vlieg op 2 Junie terug Suid-Afrika toe.

Lynne het in April kort vóór haar vertrek Everest toe met SARIE.com gesels. Lees die interessante onderhoud hiér.