Stap-vir-stap: Mooi lippe

Deur Mariska van Rooyen, SARIE - Oktober 2010

Foto’s: Phyllis Green Galery

Beklemtoon jou lippe se sensualiteit met net genoeg lipkleur om die oog te tref

Mariska gee wenke:
Vind die regte kleur

Vaal lippe sal mooi lyk in pastelkleure soos 'n dowwe pienk of ligte beige. Dieper kleure kan maklik te donker vertoon op vaal lippe, so wend dit spaarsaam aan as jy 'n donkerder kleur verkies.
Donker lippe lyk die beste met 'n lipkleur met 'n blou ondertoon. Vaal kleure kan maklik grys op donker lippe vertoon.
As jou lippe se kleur onegalig is, kies 'n kleur na aan die donkerste dele as 'n basis en volg met die lipkleur van jou keuse.


’n Lipsalf is noodsaaklik, want dit laat jou lippe dadelik voller en vogtig lyk. Wend dit met ’n kwassie of met jou vinger aan.	Kies nou ’n kleur wat taamlik na aan jou eie natuurlike kleur is (so een tot drie skakerings donkerder), maar maak seker dat die kleur dadelik jou hele gesig verhelder.

Kleur jou hele lip in met ’n kwassie (jou vinger kan hier ook werk). Begin in die hoek van die mond en volg jou natuurlike liplyn.	Wend hierna ’n lipomlyner in dieselfde skakering as die lipkleur om die buitenste rand van jou lippe aan. Dit gee jou lippe ekstra definisie, sonder om dit strak of onnatuurlik te laat lyk.

Eindig met ’n lipglans oor die hele lip, maar gebruik dit spaarsaam. Te veel kan maklik plastiekerig lyk. Jy kan ook die lipglans net in die middel van jou lippe (bo en onder) aantik. Dit gee volheid.

Verwante artikels

'n Spierwit glimlag: Is metaalstopsels se dae getel?

SARIE - November 2010

Metaalstopsels se risiko word nou as matig geklas- sifiseer en nie meer as laag nie, het die Amerikaanse Food and Drug Adminis- tration (FDA) verlede jaar aangekondig. Wat beteken dit vir jou?
'n Witgoud-lipjuweel

Is dit ŉ spieëlkissie? ŉ Juweel? Of dalk ŉ lipstiffie? Rouge G De Guerlain (R515) bied jou alles in een! Die silwerjuweel-verpakking is deur die wêreldbekende juwelier Lorenz Bäumer ontwerp en is met witgoud – ja, sowaar! – bedek. Maar wat...
Julia Roberts se hare en lippe

SARIE - Mei 2010

Jy hoef nie 'n Hollywood-ster te wees om Oscar-mooi te lyk nie!
Pienk lippetaal

SARIE - April 2009

Ons hou baie van dié seisoen se pienke vir jou lippe.
Satyn-lippe en 'n vel wat gloei

SARIE - Desember 2009

"Sterk bessie- en selfs sitruskleurige lippe is groot nuus hierdie somer," sê grimeerkunstenaar Liz van der Merwe.
Vir sexy lippe

SARIE - Junie 2010

Gucci Westman help nie net Hollywood se bekendste vroue om op hul beste te lyk nie – sedert April 2008 is sy ook Revlon se wêreldwye kunsdirekteur.