5 grimeerwenke om te onthou

SARIE - Augustus 2009

5 grimeerwenke om te onthou Galery

Aliki Price, handelsmerkwoordvoerder vir Estée Lauder, deel 5 van haar grimering-pêrels vir droomvel.

1. Behandel jou vel dus eers, voor jy jou onderlaag aanwend. Jou onderlaag is net so goed soos wat jou vel is, so maak seker jou velsorg-roetine begin by bevogtiging en om die tekens van veroudering te beveg. Jy wil nie hê jou onderlaag moet droogheid of tekens van veroudering vererger nie.

2. Kies die regte onderlaag-formulering vir jou vel. As jou vel droog is, kies ’n formule wat vog gee, verkieslik met medium-dekking. Maar as jou vel reeds gloeiend is, kies onderlaag met min bedekking, ’n sheer finish, om jou gelaat bloot te komplementeer.

3. As jou vel teen die einde van die dag vaal en glansloos lyk en jy wil dit ’n sprankie lewe gee, kan jy met die tippies van jou vingers ’n bietjie vogroom in jou gesig inwerk, sonder om jou grimering te verwyder.

4. Vir perfekte bedekking en jou droomvel as jou eie vel nou nie foutloos is nie, is verbloemer ’n wonder-produk. Dit gee meer bedekking as onderlaag. Wend dit bo-oor jou onderlaag aan vir die perfekte foutlose voorkoms. Maak seker jou verbloemer is presies dieselfde kleur as jou onderlaag. As jy onseker is, besoek een van die Estée Lauder-toonbanke, waar jy ons gratis I-Match Signature Service kan gebruik.

5. Gebruik poeier net as jy olierigheid wil beheer. Indien jou onderlaag oliebeheer-eienskappe het, sal jy bes moontlik vind poeier is onnodig; so sal jy ’n meer gloeiende voorkoms verkry.

Besoek ook www.littlebrownbottle.co.za vir meer

Verwante artikels

Galery

  • Aliki Price
  • ANR

Kommentaar