FOTO Unsplash / Christopher Campbell

FOTO Unsplash / Christopher Campbell

Skoonheid

Goudbruin lyf binne minute

Niemand sê jy moet ure in die son lê om bruin te word nie – dis doodgewoon onverantwoordelik. Met selfverbruiningsprodukte kan jy dit binne minute tuis skep.

Cindy Nell, eienaar van die verbruiningsreeks Caribbean Tan, gee die volgende wenke:

Omdat droër dele van jou lyf soos jou knieë, elmboë en enkels meer van die produk absorbeer, moet jy sowat 8 uur voordat jy die produk gebruik jou vel goed afskilfer (en skeer jou bene). Wend ook eers ’n vogroom aan die droër dele om te voorkom dat dit te donker kleur.

Verskillende soorte selfverbruiningsprodukte is beskikbaar.

As jy ’n spuitbotteltjie gebruik, hou dit sowat 30 cm van jou lyf af, begin by jou voete en spuit die produk in sirkelbewegings tot by jou kakebeenlyn. Vee met ’n droë handdoek oor jou elmboë, knieë en enkels om enige oortollige produk te absorbeer.

In die geval van ’n mousse, skud die bottel, spuit die produk in jou hande en wend dit vanaf jou voete na bo aan. Was jou hande ná die tyd goed.

Jy kry ook ’n produk wat jy met ’n sagte laphandskoen (mitt) aanwend. Vryf dié produk in sirkelbewegings in jou vel in, ook van onder na bo. Wag sowat 10 minute en trek dan donker klere aan. Wag 6 – 8 uur voordat jy stort.

’n Selfverbruiningsproduk kan 4 – 10 dae op jou vel hou. Gebruik daagliks ’n vogroom om dit langer te laat goed lyk en moenie vir lang tye in die bad lê nie. Wend die produk so elke 2 weke aan om die kleur te onderhou.

Kyk HIER na nóg video’s vir slim wenke om aan te wend.

Lees nou

Jou grimering en uitrusting kán pas

Betaaldag-kopies: 10 mode-items onder R700

Wat is jou slaap-persoonlikheid? Doen ons quiz en vind uit!