Hoe om rokerige oë te kry - Ons wys stap-vir-stap hoe

SARIE - Junie 2010

Foto’s: Bobbi Brown Makeup Manual Galery

Dis die voorkoms wat almal wil hê. Doen dit in 6 maklike stappe en lyk soos 'n model.

Met spesiale vergunning van Bobbi Brown. Foto's uit die Bobbi Brown Makeup Manual.

STAP 1:

Berei jou oë voor met ’n lagie poeier oor die hele oogdeel
(tot by jou wenkbroue) om eenvormige kleur en tekstuur
te skep en jou ooglede ’n mat-afwerking te gee. Jy kan jou
velkleur-gesigpoeier hiervoor gebruik.

Stap 2

STAP 2:

Gebruik ’n oogskadu-borsel en wend ’n medium- of donker
oogskadu (nie te blink nie; bruin werk goed) oor die hele
ooglid tot in die oogvou aan – fokus op die oogvou.
Wend laag-op-laag aan totdat dit dramaties genoeg na jou sin is.


STAP 3: Gebruik ’n oogpotlood en trek ’n taamlik dik lyn teenaan jou wimpers, reg rondom jou oë. Skakeer lyn egalig met jou vinger, ’n oorpluisie of ’n dun borseltjie van natuurlike vesels (wat nie die vel om jou oë sal krap nie).	STAP 4: Wend donker oogskadu (bruin of swart) bo-oor die potloodlyn aan met ’n dun oogomlyner-borsel – teenaan die wimpers, bo én onder – vir ekstra omlyn-trefkrag.


STAP 5: Vee oor die oogskadulyn rondom jou oog (nr. 4) met jou vinger, ’n oorpluisie of ’n sagte borsel om ’n rokerige voorkoms te skep.	STAP 6: Tik nog ’n bietjie oogskadu (donkerder as by nr. 3, met fokus op die oogvou en buitehoekie) op jou ooglid vir definisie. Eindig met ’n paar lae swart maskara.

Verwante artikels

Jonger oë - jonger jy!

SARIE Augustus 2010

3 maklike stappe na varser, jonger oë.
Netjiese wenkbroue

SARIE September 2011

’n Goeie raam kan ’n skildery fantasties laat lyk. Net so is jou wenkbroue ’n raam vir jou oë. Volg die grimeerkunstenaar Bobbi Brown se raad om hulle op hul beste te laat lyk.
Stap vir stap gesonder

SARIE - April 2007

Trek jou loopskoene aan. Dit sit jou kop en lyf in ’n splinternuwe rat