Maak dit self

6 wenke om ’n groentetuin te maak

Tuinmaak is soos ’n verhouding: Dit kos liefde, toewyding, vrygewigheid, geduld, vertroue en respek om te floreer.

Boonop, sê die tuinghoeroe Jane Griffiths, moet jy in tuinmaak ’n kompromie kan aangaan! Vir haar is die heel belangrikste ding van tuinmaak egter kennis, want hoe meer jy oor tuinbou weet, hoe beter sal jou tuin vaar.

Haar boek, Jane’s Delicious Urban Gardening (Sunbird, R295), is ’n goeie bron van kennis wat jou sal help om ’n groentetuin te maak wat jy nie gedurig moet omspit nie. Dit begin alles by gesonde, humusryke grond.

Janes_Delicious_Urban_by_Jane_Griffifths_-_Copy

FOTO Verskaf

Haar wenke vir ’n geen-spit-groentetuin:

1. Moet nooit binne-in die beddings staan nie, want dit kompakteer die grond.

2. Maak die beddings net wyd genoeg sodat die middel binne bereik (ongeveer die breedte van ’n deur) is.

3. As jou beddings groter is, plaas trapstene ’n gemaklike afstand van mekaar af. Of maak paadjies rondom en tussen die beddings.

4. Voed die grond deur organiese materiaal soos goed verrotte mis en kompos oor te strooi.

5. Moedig die groei van erdwurms aan.

6. Grawe net in jou tuin as jy plante wil plant of uithaal of ’n nuwe bedding voorberei.

Hierdie is die eerste stappe om beddings vir jou groentetuin voor te berei. Onthou, gebruik water met sorg sodat jou plante nie uitdroog nie. ’n Tuin soek aandag!

Lees nou

Inspirasiekos met SARIE plus wenke vir jou eie groentetuin

3 voordele van tuinmaak

Maak tuin uit die kombuis