FOTO Ryno

FOTO Ryno

Dekorstories

Nooi lente binnetoe

As die bome begin bot, begin jou hande mos jeuk om jou huis reg te trek. Met klein, bekostigbare veranderinge kan jy ’n groot verskil maak.

1. Met verf, lap en papier

Verf ’n klein sytafel wit of roomkleur. Maak of koop ’n groot blomkussing en sny ’n swerm swaeltjies uit stewige papier en druk met wondergom teen jou muur vas. En natuurlik, altyd ’n bos vars blomme of blare. Wenk: Geblomde gordyne raak nou weer mode.

lente1

FOTO Ryno

 

2. Raam dit

’n Mooi raam en ’n stuk afvalmateriaal of geskenkpapier maak ’n bekostigbare kits-skildery.

lente 2

FOTO Ryno

 

3. Lente in die slaapkamer

Maak van ’n stuk sagte geblomde katoen (sommer rokmateriaal) ’n ekstragroot slaapkussing (Woolworths en @home hou dit aan). Sit ’n potplant voor jou bed en versier jou deken met laprose en ’n stukkie lint as stam. Werk met die hand vas sodat jy dit weer kan lostorring as jy moeg is daarvoor.

sr0607dekor04.tif

FOTO Inge Prins

 

4. Plan met ’n lint

Wie hou nou nie van’n lint nie. As jy weer blomme insteek, plaas ’n lengte lint langs die vaas, sommer net vir die mooi.

lente 4

FOTO Henk Hattingh

 

5. Heeljaar bloeisels

Soek op die internet na ’n mooi bloeiseltak-ontwerp, vergroot dit op die fotostaatmasjien tot ’n grootte van jou keuse. Teken dit na op jou muur en verf dit met stokperdjieverf of oorskiet-muurverf.

lente 5

FOTO Ryno

 Lees nou

Met ’n meter of twee lint kan jy …

5 tuinwenke vir lente

Maak só met ’n glasklok