Kosbare oomblikke met Paasfees

Deur Anita Rossouw & Lounette Fourie, SARIE - April 2010

Foto’s: Ryno Galery

Deel die gees van Paasfees met jou geliefdes en sien al die mooi om jou raak...

Raakstil (foto bo)

Skep ’n gewyde atmosfeer in die gees van Paasfees en dek met spierwit kerse en ’n growwe linne-tafeldoek.


	Simbole van Paasfees Groepeer byvoorbeeld ’n doringtak, ’n ruwe klip, eiers en houtkruise op ’n mooi growwe doek en vul voëlnessies (of “nessies” van tou gedraai) met eiers. Linne-tafelloper (R995), Le Brocanteur. Houtkruise (R12,50 elk), Kaqala Beads. Miniatuur-Paaseiers, Lindt (landwyd te kry). Ander items stilis se eie.
	Lekker slaap Paasnaweek is net lank genoeg om ’n handwerkprojek aan te pak en te voltooi. Maak hierdie langnaweek ’n nuwe kopstuk vir jou bed.
	Mooi herinneringe Moenie dat jou spogfoto’s en memento’s in ’n laai weggesteek bly nie. Stal dit uit!