FOTO Lacie Slezak / Unsplashed

Dekorstories

Slim kopies vir jou koshuiskamer

Met die beperkte spasie van ’n koshuiskamer moet jy fyn beplan wat moet saam en wat moet bly.

Maar maak seker jy skep ’n huislike atmosfeer, want dit gaan die res van die jaar jou huis wees. Werk ook rondom ’n kleurtema sodat alles min of meer by mekaar pas.

1. ’n Klein groente-trollie bied waardevolle pakplek en kan dien as mini-kombuis op wiele. Jy kan ook lêers op die onderste rakke hou. Boardmans R359,95

vegtrolley

FOTO Boardmans

2. Skaf ’n paar mooi bêrebokse met deksels aan om dinge te orden. Mr Price Home R39,99

FOTO Mr Price Home

FOTO Mr Price Home

3. Vlak mandjies is in verskillende groottes beskikbaar en kan help om jou klerekas of rakke netjies te hou. Mr Price Home, vanaf R119,99

FOTO Mr Price

FOTO Mr Price Home

4. Koop ’n leeslamp waarby jy kan studeer en wat ook dien as bedliggie. Mr Price Home R229,99

Lampmrp

FOTO Mr Price Home

5. Neem ’n waaier saam vir snikwarm dae.

6. Soek ’n duvetstel wat nie gestryk hoef te word nie en kies liefs een in ’n neutrale kleur waarvoor jy nie te gou moeg sal word nie. Sorg dat jy ’n ligte oorgooikombers byderhand het vir bibberdae.

7. Kies ’n masjienwasbare bedmat.

8. Moenie meer as drie items elk breekware (koffiebeker, bord, bakkie) koop nie – dit sal sommer ook keer dat die skottelgoed ophoop!

9. Hoor by senior studente van klein tweedehandse yskaste wat moontlik te koop is.

10. Hou ’n paar groot Pep Stores-sakke vir oppak en stoor aan die einde van die jaar.

Lees nou

Maak mooi met papier

Sorteer só jou huis kamer vir kamer uit

Meubileer só jou eenkamerwoonstel