Heeljaar vakansie!

Deur Anita Rossouw & Lounette Fourie, SARIE - Junie 2010

Foto’s: Ryno Galery

Met 'n paar nuwighede en 'n slim plan hier en daar kan jou hele jaar soos seevakansie voel.

LASLAPSTOEL (foto bo)

'n Ou kantoorstoel lyk soos 'n ontwerper-item met nuwe stoffering (tuisgemaak) en hoëglans-verf

KAS VIR MOOIGOED

n Ou hangkas word 'n pragtige uitstalrak. Dit pas ideaal in 'n voorportaal, waar jou mooiste optelgoed vriende begroet.

Kas vir mooigoed

PIEKNIEKBLIK

Elke piekniek moet 'n geliefde blik vol lekker toebroodjies hê. Maak jou eie met see-prentjies daarop.

Piekniekblik

SEE-KUIER

Gaan drink jou middag-koffie op die strand. Laat elkeen sy eie sitding saamneem en maak 'n piekniekkombers waarop julle heerlik kan saamkuier. As 'n winter-seevakansie net 'n droom is, kies 'n stil kol in jou tuin of 'n nabye park.

See-kuier

VAN TOU GEMAAK

Vatlappe

Koop dikkerige tou (by kruideniers- en ysterwarewinkels), neem penne van 5mm en h/aan 25 ste. Br 25 rye in rekst (= alle rye in r) en h/af. Werk 'n materiaallussie vas.

Plekmatjie

Gebruik dunner tou hiervoor. Hekel 'n ketting van 20 steke. Hekel rondom hierdie ketting en vermeerder telkens op elke draai 4 steke om 'n reghoek te vorm. Hekel om en om in rye tot verlangde grootte. Bakkies (R185 elk), Nap. Bord (R150) en servetring (R40), Lim. Tafelloper (R120) en servet (R49,95 vir 4), Woolworths.

KABELKUSSING

Brei is nie net top-ontspanning nie - dis nou weer hoogmode!

Hier's 'n maklike patroon om jou aan die gang te sit.

LEKKER KNUS

Maak vir jou 'n ekstrawarm kombers deur twee komberse met komberssteek aanmekaar te werk. Komberse (R99,95), Woolworths. Mandjie (R395) en kussing (R295), Nap. Stoel, stilis se eie.

SIRKELS EN BLOMME

Dié fyngehekelde serp (R510) is die handewerk van die werkverskaffingsgroep Projekt. Dis van 100% katoendraad en kan bestel word by petabeckerprojekt@gmail.com of 082 662 5391. Gebreide rokkie (R399), Poetry by Cape Union Mart.

Verwante artikels

Kabelkussing in 2 kleure

SARIE - Junie 2010

Maak jou eie kabelkussing.
Maak 'n speldekussing en 'n sakkie vir jou skêr

SARIE Julie 2010

Maak uit stukkies vilt 'n speldekussing en sakkie vir jou skêr.