FOTO Plascon

FOTO Plascon

Dekorstories

Donker mure

In ’n land met meestal bloedige warm somers is donker mure ’n goeie keuse. Dit lyk en voel lekker koel in die hitte. En in die winter kan jy atmosfeer skep met kussings en dekens in warm kleure of ’n kaggelvuur wat skadu’s teen die muur gooi. En ja, jy kan dit in letterlik enige vertrek gebruik.

1. In die eetkamer

Cornel Strydom van Pretoria skrik nie vir kleur – lig, donker of helder – nie. Vir haar eetkamermure het sy Dulux se Night Jewels 3 gekies, en op die vloer het sy dié grys herhaal. Die voorkoms is versag met geblomde stoele en gordyne.

mure1

FOTO Ryno

 

2. In die kombuis

Hier het Cornel ook Dulux se Night Jewels 3 gebruik. Die muurprent het sy self geskilder met behulp van ’n oorhoofse projektor en ’n antieke ets uit ’n plantboek. Die rooi ligte en tafel vorm ’n mooi kontras met die donker muur en die rak vol wit breekgoed.

mure2

FOTO Ryno

 

3. In die leefkamer

Diepblou (Nautilus van Plascon) sorg hier vir ’n gevoel van rustigheid. Die minimum bykomstighede is nodig.

mure 3

FOTO Plascon

 

4. In die slaapkamer

Donker mure pas goed in ’n slaapkamer. Dit stimuleer slaap en is kalmerend. Dulux se Steel Symphony 2 is ’n veelsydige grysblou.

mure 4

FOTO Henk Hattingh

 

5. In die badkamer

Hierdie badkamer verskaf eindelose plesier aan die huiseienaars. Die antieke marmerwasbak is gemonteer op ’n verseëlde betonblad en vorm ’n mooi kontras met die middernagblou mure. ’n Soortgelyke kleur is Sapphire Springs 2 van Dulux.

mure 5

FOTO Henk Hattingh

 

Lees nou

Skep warmte met tafellampe

Kies die regte koffietafel

5 feite oor organiese katoen