Selfmaak: Somer-serp

Deur Lounette Fourie en Anita Rabie, SARIE - November 2010

Selfmaak: Somer-serp Foto’s: Rhyno Galery

Maak jou eie somer-serp.

Somer-serp

Brei van katoendraad ’n lang serp wat jy op koeler dae dra. Die snyerspop (R1 200) is ook in ander kleure en linnekleur by Kaqala Trading beskikbaar.

Grootte
Lengte: 250 cm
Breedte: sowat 45 cm

Benodigdhede
5 bolle (50 g elk) suiwer katoen, vierdraad van Saprotex; een 9-mm- en een 7-mm-breipen; 3,5-mm hekelpen

Spanning
Die serp is met 2 diktes breipenne gebrei: die r-rye met 'n 9-mm en
die aw-rye met 'n 7-mm-pen. 14 ste en 16 rye = sowat 10 cm

Afkortings aw – aweregs; gs – glipsteek; h/aan(af) – heg/aan(af); ks – kettingsteek; lb – langbeen; rdte – rondte;    r – regs; sp(s) – spasie(s); ste – steke; vlg(e) – volgende

Brei só
H/aan 60 ste en brei 250 cm in reksteek (= 1 ry r en 1 ry aw), met een 7-mm- en een 9-mm-breipen vir ’n
onegalige voorkoms. H/af alle ste lossies.

Hekel só
Hekel ’n paar blommetjies (in 2 groottes) om die onderrand van die serp te versier. 1e rdte: Begin met 5 (7) ks en las met gs om ’n sirkel te vorm. 2e rdte: 3 ks, 1 lb en 1 ks in ring tot daar 10 (14) sps rondom ring is. 3e rdte: 5 lb in 1e sp, 1 gs in vlge sp, 5 lb in vlge sp, hekel so verder tot daar 5 (7) blomblare is, las
met gs aan 1e lb. Hekel sowat 7 blomme vir elke rand.

Afwerking
Werk alle los drade netjies weg. Werk blomme aan aan- en afhegrande vas.

Verwante artikels

Kommentaar

  • Maggie du Toit het gesê:

    is daar dalk nie gebreide patrone vir 'n teemus?

    15de Mei. 2012, 13:47

  • Lizette Potgieter het gesê:

    Liewe Sarie Wanneer is jul volgende uitgawe van Sarie kreatief? Ek het jul breipatrone ongelooflik geniet, maar kan nie so vinnig brei nie en werk voltyds met 2 klein kindertjies. My tyd is dus baie beperk en min. Indien jul weer beplan op so 'n wonderlike uitgawe hoop ek dit is 'n rukkie voor die winter sodat 'n mens darem iets daarvan kan dra volgende winter. Ek is ook opsoek na 'n moderne poncho met 'n rolkraag. Baie groete Lizette

    22ste Nov. 2011, 09:15

  • Hanna Dreyer het gesê:

    Ek is versot op brei en hekel en die snoesige mantel gaan ek beslis brei. Ek koop gereeld die Sarie-tydskrif.

    28ste Okt. 2011, 22:55

  • Eloise Botha het gesê:

    Ek is MAL oor die somerserp asook die teemuspatrone!!!!!

    4de Mei. 2011, 19:44