sr0104kreatief4.tif
Dekorstories

Tydlose swart-en-wit

As jy radeloos is oor die kleurskema van ’n vertrek, kies dan swart-en-wit, want jy kan enige ander kleur daarby inbring as jy wil, dis altyd in die mode en jy raak nooit moeg daarvoor nie.

1. Klassiek-modern

Begin by die vloer. ’n Swart-en-wit vloer van Marley-teëls (Floorworx) pas by byna enige vertrek. Dis veral treffend in ’n voorportaal of badkamer, maar werk selfs in ’n leefvertrek. Die raam van die Franse-styl stoel is wit geverf en gee dit ’n kontemporêre gevoel.

FOTO Inge Prins

FOTO Inge Prins

 

2. Maak ’n foto-galery

Maak ’n interessante raam deur jou afdruk tussen twee stukke glas vas te klamp met ’n sterk skryfbehoefte-knip aan die bo- en onderkant. Hang op aan die gaatjie in die knip.

FOTO Inge Prins

FOTO Inge Prins

 

3. So groot moontlik

Laat maak ’n reuse-afdruk van jou gunsteling-foto en monteer dit tussen twee stukke perspeks. Plak die perspeks om die rande met kleurlose silikoongom aanmekaar vas. Kyk hoe mooi is die swart-en-wit teëls hier gelê.

sr0104kreatief4.tif

FOTO Verskaf

 

4. Hou dit ordelik

Met die inkleurmania wat ons beetgekry het, is dit ’n oulike plan om jou kryte bymekaar te hou. Was ’n blik silwerskoon, verwyder die etiket en maak droog. Plaas ’n vel wit en ’n vel swart papier opmekaar. Teken liggies 3 x 3 cm-blokkies daarop uit en skeur die twee velle papier tesame so netjies moontlik al op die lyne langs. Plak met ’n gomstiffie (smeer veral die hoeke) op die blikkie in ’n ruitpatroon. Verseël met ’n lagie Modge Podge (by stokperdjiewinkels te koop).

0109selfmaak4.tif

FOTO Verskaf

 

5. In die winkel

Dié parmantige klein stoeltjie/sytafel (R1 295) is handgeweef en te koop by Weylandts.

Lees ook

Versier met papier

5 funksies vir ’n werkbank

Hang aan ’n tak