FOTO Inge Prins

FOTO Inge Prins

Dekorstories

Versier met papier

Hier is ’n paar idees vir mooigoed uit ’n vel of twee nederige papier.

1. Langs die straat

’n Kandelaber hoef nie altyd peperduur en glinsterend te wees nie. Sulke sterre kan jy koop by straatsmouse wat in draad- en papierwerk spesialiseer, of jy kan hulle vra om dit vir jou te maak. Bind dit in ’n tros saam en elektrifiseer ’n paar van hulle vir ’n unieke kandelaber, of hang dit om ’n bestaande lig.

sr0701dekor02.tif

FOTO Inge Prins

 

2. Maak ’n papierskildery

Koop ’n kunstenaarsdoek. Knip ewe groot blokkies uit gekleurde papier (ons het ou tydskrifte gebruik). Rangskik na jou smaak op die doek en plak dit net aan die bokant van die blokkies vas sodat die “skildery” tekstuur het.

sr0701dekor03.tif

FOTO Inge Prins

 

3. Graffiti

Maak jou eie muurpapier deur mooi letters en eenvoudige lynsketse op A4-papier te fotostateer en dit met spuitgom teen jou mure te plak.

sr0701dekor04.tif

FOTO Inge Prins

 

4. Potte van papier

Draai afvalstukke muurpapier om glaspotte. Knip van die kleiner motiewe uit die plakpapier en vir ’n driedimensionele voorkoms plak dit ooreenstemmend op die pot vas met spieël-plakband. Gebruik ’n kwart pakkie plakpapiergom, maak aan volgens instruksies, maar voeg nog 1 koppie koue water by. Week geskeurde stroke ongedrukte papier in die gom om papier-mâché te maak. Smeer Vaseline om interessante vorms en draai toe in kleefplastiek. Plak minstens 5 lae mâché hieroor. Laat kurkdroog word en glip van die vorm. As dit moeilik afkom, sny oop aan agterkant en wikkel vorm uit. Plak weer toe met gomstroke.

sr0701dekor01.tif

FOTO Inge Prins

 

5. Koop dit

Sulke bakkies papier-mâché is te koop by geskenkwinkels en kurio-winkels. Dit maak ’n mooi kleurkol in enige vertrek.

papier5

FOTO Inge Prins

Lees nou

Só kies jy die regte duvet

Moderne idees met doilies

5 redes waarom jy fluweel moet kies