FOTO Inge Prins

FOTO Inge Prins

Dekorstories

Waar staan my meubels in ‘n klein vertrek?

Al hoe meer mense woon in kleiner huise of woonstelle en dis nogal ’n uitdaging om meubels en bybehore te kies wat in ’n beperkte spasie sal werk. Die hooffokus moet gehalte bly, want as jou ruimte min is, is jy heeltyd omring met al jou besittings. 

1. Jou leefarea

Fokus op skoon, eenvoudige lyne. Individuele stoele, potte of tafels wat deurskyn laat ’n vertrek minder beknop lyk. Kies blindings vir jou vensters. Dit is nie so bonkig soos gordyne nie. Rangskik jou meubels om genoeg oop vloerspasie te laat sodat jy vrylik kan rondbeweeg.

ss0107Loldmutual01.tif

FOTO Inge Prins

 

2. ’n Praktiese rusbank

Begin met die belangrikste (en duurste) items eerste.  Belê bv. in ’n leerbank met ’n natuurlike kleur soos dié een van Weylandts (vanaf R19 000,95), wat ook kan dien as ekstra slaapplek.

 

 3. ’n Ronde mat

Ronde vorms is minder steurend op die oog as hoekiges en jy kan dit maklik rondskuif. ’n Los mat moet ook nie te klein wees nie. Die ronde mat van natuurlike goiing (R1 595) is van Weylandts.

 

4. Ligte wat hang

Beligting is baie belangrik in enige vertek. In ’n klein spasie wil jy die oog opwaarts lei – ’n slim plan is om ’n tros liggies te laat installeer wat uit die plafon hang. Die liggies is individueel bestelbaar (R544 elk) by Robert Thompson.

 

5. Glas-koffietafels

’n Nessie van ronde glasblad-koffietafels (R1 800 vir 2, Mr Price Home) is die perfekte keuse en jy kan dit saamgroepeer of maklik rondskuif soos jy wil. Die rondings werk ook baie beter as skerp hoeke.

Lees nou

Met ’n meter of twee lint kan jy …

5 tuinwenke vir lente

Maak só met ’n glasklok